अहिल्यानगर: जलसंपदा मंत्री राधाकृष्ण विखे पाटील यांनी संगमनेरमध्ये आयोजित बैठकीत खोचक टोलेबाजी करताना म्हटले की, “जयंत पाटलांचे ‘माझ्यावर जास्त अवलंबून राहू नका’ हे विधान शरद पवारांना सूचक इशारा आहे, आणि त्यांना आता सतर्क राहावे लागेल.” मंत्री विखे पाटील यांच्या या विधानावर राजकीय वर्तुळात मोठा चर्चेला उधाण आले आहे.
विखे पाटील यांनी पत्रकारांशी बोलताना यावर भाष्य केले की, जयंत पाटलांच्या विधानामध्ये पवारांना एक सूचक संदेश आहे, ज्यामुळे शरद पवार यांनी आता अधिक सावधगिरी बाळगली पाहिजे. “तुम्ही माझ्यावर जास्त अवलंबून राहू नका,” असे म्हणत जयंत पाटलांनी पवारांवर अप्रत्यक्षपणे इशारा दिला होता. यावर मंत्री विखे पाटील यांनी विधान करत म्हटले की, पवार यांना आता सतर्क राहण्याची आवश्यकता आहे.
मढी येथील वादासंदर्भात माहिती घेतल्याचे सांगतानाही मंत्री विखे पाटील म्हणाले की, “यामध्ये योग्य मार्ग काढण्याच्या दृष्टीने आमदार महोदयांशी संपर्क साधण्यात आले आहे. प्रशासनाने या प्रकरणाची पूर्ण माहिती घेतली आहे.”
सुधीर मुनगंटीवार यांची भूमिका
माजी मंत्री आणि भाजपाचे ज्येष्ठ नेते सुधीर मुनगंटीवार यांच्या विधानावरही विखे पाटील यांनी प्रतिक्रिया दिली. विखे पाटलांनी स्पष्ट केले की, मुनगंटीवार यांचे विधान विरोधी पक्षाच्या भूमिकेतून नाही, ते पक्षाच्या विचारांचीच अंमलबजावणी करतात. “त्यांनी दिलेल्या सूचनांचा पक्षामध्ये आदर केला जातो,” असे मंत्री विखे पाटीळ म्हणाले.
संगमनेर नगरपालिका बैठकीतील गोंधळावर मंत्री विखे पाटील यांची प्रतिक्रिया
संगमनेर नगरपालिका येथील बैठकीनंतर झालेल्या गोंधळावर मंत्री विखे पाटील यांनी स्पष्ट केले की, “गोंधळ घालणारे कोण आहेत हे सर्वांना माहीत आहे. त्याचा प्रभाव फारसा पडत नाही.” गोंधळाच्या मुद्द्यावर भाष्य करताना मंत्री विखे पाटील यांनी आरोप केले की, काही लोक गोंधळ घालण्याचा प्रयत्न करत आहेत, पण त्यांना याचा काही फायदा होणार नाही.
राजकीय समीकरणांचे बदलते चित्र
राजकारणातील या चर्चांनी पुन्हा एकदा महाराष्ट्रातील राजकीय समीकरणे उलथून टाकली आहेत. विखे पाटील यांचे जयंत पाटलांचे विधान आणि त्यावर दिलेली प्रतिक्रिया यामुळे सध्या राजकीय वर्तुळात चर्चेला उधाण आले आहे. शरद पवार आणि त्यांच्या गटाला काय प्रतिक्रिया येईल हे पाहणे महत्त्वाचे ठरणार आहे.
